God is goed

Die afgelope paar dae voel ek amper soos ‘n bootjie in die middel van die oseaan wat nie weet waar hy gaan anker nie, of eers waar die naaste eiland is nie. Of soos iemand wat op die edge van ‘n cliff staan en verseker gaan val, nie weet waar ek gaan land nie. Daar is ‘n paar dinge in my lewe wat ek nog altyd as verseker gesien het. Goed waarin ek gehoop het die afgelope tyd of maniere wat ek gedink het goed gaan uitwerk, werk, blyplek, vriendskappe. Bowenal is dit nie waar ek my lewe op die ouderdom gesien het nie. Ekt gedink ek sal ten minste al gesettle het, ‘n boek geskryf het of op een plek bly.

Met die gevolg dat ek nogal gefrustreerd was met God. Ekt gevoel ek glo in Hom en bid en dra dinge aan Hom op en hou vas aan Sy beloftes en soek sy vrede, en goed werk nogsteeds net nie uit nie. Maak nie saak hoe hard ek probeer of watse kant toe ek mik nie, dinge wil net nie werk soos ek dink nie. Vandag voel ek toe ‘n nuwe wave van depressie kom, toe ek saam die tannie waar ek bly na so kerk toe is waar mens net in Sy presence op jou rug le en soak vir ‘n uur en ‘n half. Niemand preek of bid of niks nie, jy le net en luister musiek. En dan bid iemand saggies by jou en gooi so lappie oor jou wat die allerheiligste verteenwoordig. Ek vra toe vir God of ek ‘n rooi lappie kan kry.

Ek le toe met my oe toe en bid en dink dat ek iets special gaan voel of beleef of profeteer of droom of net…iets. In plek daarvan le ek ‘n uur en ‘n half net en dink aan dinge in my lewe op die oomblik. Ek maak toe later my oe oop en ekt ‘n pienk lappie gekry. En ek voel weer gefrustreerd omdat ek net le en dink het en nie eers in Sy presence kon inkom nie en Hy nie eers vir my ‘n rooi lappie gee nie. En toe dink ek, wie is ek om te besluit wat ek nodig het. Dalk moes ek nie nou ‘n rooi lappie kry nie, dalk moet ek nou ‘n pienk lappie kry. Dit is wat Hy vir my wil gee en wie is ek om te besluit watse geskenk ons Pappa vir my moet gee. En toe besef ek net…ek gee my lewe oor aan Hom, maar ek gee nie oor nie. Net omdat ek iets verwag op ‘n sekere manier, beteken nie dit gaan so gebeur nie. Net omdat ek op Hom vertrou vir iets beteken nie dit is wat ek gaan kry nie. Ek moet op Hom vertrou vir wat Hy vir my wil gee. Ek moet vertrou al word my expectations nie waar nie, ek moet vertrou dat Hy in beheer is en Sy plan beter as myne. So scary soos dit is moet ek net laat gaan en alles aan Hom oorlaat. Ek dink toe aan wat iemand eenkeer vir my gese het, as jy klastoe gaan vra jy nie jou dosent wat jy wil leer en dat leer hy dit vir jou nie. Jou dosent besluit wat belangrik is vir jou om te leer. En soveel soos ek dink ek het sekere goed en lesse en dinge in my lewe nodig, soveel meer weet God wat ek eerder nodig het. Om net in Hom te vertrou, in Sy goedheid, al is dit nie volgens my plan nie. Om te glo dat God nogsteeds goed is en in beheer is al voel ek soos die bootjie op die see. Ek moet glo eks geanker aan Hom. Aan die bodem van die see. Al kan ek nie sien waaraan ek geanker is nie.

Advertisements

0 Responses to “God is goed”



  1. Lewer Kommentaar

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s





%d bloggers like this: